Մադրիդի «Ռեալ»-ի հարձակվող Քրիշտիանու Ռոնալդուն հայտարարել է, որ իրեն առանձնապես չի հետաքրքրում, թե ինչպիսի տրանսֆերային քաղաքականություն է վարում «արքայական ակումբ»-ի սկզբունքային հակառակորդը` «Բարսելոնա»-ն:
Պորտուգալիայի հավաքականի ֆուտբոլիստն իր կարծիքն է հայտնել նաև կատալոնական ակումբի նորեկ Նեյմարի մասին:
«Ինձ համար միևնույնն է, թե ում իրավունքները ձեռք կբերի «Բարսելոնա»-ն: Լինի դա Նեյմարը կամ որևէ այլ ֆուտբոլիստ: Կատալոնական ակումբը հզոր է, սակայն «Ռեալ»-ը մեծագույն ակումբն է աշխարհում: Այնպես որ, ինձ այլևս ոչինչ չի հուզում»,- Football Espana-ն մեջբերում է Ռոնալդուի խոսքը:
