Հունահռոմեական ըմբշամարտի աշխարհի չեմպիոն Արսեն Ջուլֆալակյանն անդրադարձել է Ռիգայում ընթացող Եվրոպայի առաջնության 98կգ քաշային կարգում Արթուր Ալեքսանյան – Նիկիտա Մելնիկով եզրափակիչ գոտեմարտին: Ստորև ներկայացնում ենք Ջուլֆալակյանի ֆեյսբուքյան գրառումն առանց խմբագրման:
«Այսօրվա մեզ համար շատ կարևոր Եվրոպայի առաջնության եզրափակիչի մասին… մասնագիտական։
Հիանալի, 100% մշակված,հղկված տակտիկա է ընտրված դատավորների համար՝ ռուսների հետ գոտեմարտելու դեպքում։
Առաջին հայացքից ոչ մասնագետը չի հասկանում, թե որտեղ էր կողմնապահությունը…
Իրականում ինչ է կատարվում. անկախ մարզիկների ակտիվությունից՝ միշտ առաջինը պատժվում է ՈՉ ռուս մարզիկը. արդյունքում – թարմ, չքրտնած վիճակում ռուս մարզիկը ռեալ հարձակվելու առավելություն է ստանում, իսկ քանի որ նրանք բոլորը բարձրակարգ մարզիկներ են, ոչ պատահական, հիմնականում վաստակում են որոշ միավորներ։
Դրանից հետո 3-4 րոպե բառացիորեն ընկնում ես հակառակորդիդ հետևից, բայց անարդյունք, ոչինչ, կամ էլ վերջին 40 վայրկյանին առավելագույնը մի դիտողություն, որը նման հոգնածության պարագայում գրեթե դեր չի խաղում։
Խոսքերիս ապացույցն է իմ ու Արթուրի 3-4 գոտեմարտը ռուս մարզիկների հետ(երկուսիս հիմնական հակառակորդների)։
Սա ուղղակի, որ երկրպագուներին պարզ լինի, իսկ կազնակերպիչներն էլ(որոնք հաստատ կկարդան) չմտածեն,թե իրանք այնքան «շուստռի» են, որ ոչ մեկ չի հասկանում…
Հ.Գ. Էն որ կատաղությունից չգիտես ինչ անես էլ…»,- մասնավորապես գրել է Արսեն Ջուլֆալակյանը:
Հիշեցնենք, որ Արթուր Ալեքսանյանը եզրափակիչում 4:0 հաշվով զիջեց ռուս ըմբշամարտիկին՝ դառնալով Եվրոպայի փոխչեմպիոն:
Լուսանկարը՝ Արսեն Ջուլֆալակյանի ֆեյսբուքյան էջի:
