Իրաքը պաշտոնապես հայտարարել է, որ ներկայումս մտադրություն չունի դուրս գալու Նավթ արտահանող երկրների կազմակերպությունից (ՕՊԵԿ) և հավատարիմ է մնում կառույցի մեխանիզմներին։
Այնուամենայնիվ, Բաղդադը կոշտ դիրքորոշում է հայտնել՝ ընդգծելով, որ եթե կազմակերպությունը չբավարարի իր նավթի արդյունահանման քվոտան բարձրացնելու պահանջը, Իրաքը ստիպված կլինի վերանայել իր անդամակցության հարցը։
Իրաքի նավթի նախարարության խոսնակ Սալիմ ալ-Ռիկաբիի խոսքով՝ երկիրը նախատեսում է ավելացնել արդյունահանումը՝ իր կարողություններին և տնտեսական կարիքներին համապատասխան, և ակնկալում է, որ ՕՊԵԿ-ը համապատասխանաբար կվերանայի իր քվոտան։
