ՈւԵՖԱ-ի պաշտոնական կայքն ամփոփել է Եվրոպայի լիգայի 1/16 եզրափակչի առաջին խաղում լավագույն ֆուտբոլիստի կոչման համար անցկացվող հարցման արդյունքները:
Հավակնորդների թվում ներկայացված էր նաև «Բորուսիա»-ի և Հայաստանի ազգային հավաքականի կիսապաշտպան Հենրիխ Մխիթարյանը, ով հարցման արդյունքներով հավաքելով ձայների 27 տոկոսը՝ զբաղեցրել է 2-րդ հորիզոնականը:
Հիշեցնենք, «Բորուսիա»-ն Մխիթարյանի գոլային փոխանցումների շնորհիվ 2:0 հաշվով հաղթել է «Պորտու»-ին:
Լավագոււյն ֆուտբոլիստ է ճանաչվել «Աուգսբուրգ»-ի ֆուտբոլիստ Ռագնար Կլավանը, ով «Լիվերպուլ»-ի դեմ համդիպմանը փրկել է իր թիմին պարտությունից: Հարցման արդյունքում այս ֆուտբոլիստը հավաքել է ձայների 35 տոկոսը:
«Վալենսիա»-ի կիսապաշտպան Սանտի Մինան հավաքել է ձայների 25 տոկոսը, իսկ «Ատլետիկ»-ի հարձակվող Արիս Ադուրիզի օգտին քվեարկել են հարցվողների 13 տոկոսը: