«Սասուոլո» ակումբի նախագահ Ջորջիո Սկվինեցին Radio 24-ին տված հարցազրույցում նշել է, որ «Միլան»-ի նախագահ Սիլվիո Բերլուսկոնին անընդհատ պնդում է, թե ակումբի ներկայիս գլխավոր մարզիչ Մասիմիլիանո Ալեգրին ոչնիչ չի հասկանում ֆուտբոլից: Նշենք, որ 45-ամյա մասնագետը նախկինում աշխատել է «Սասուոլո»-ում:
«Բերլուսկոնին հաճախ զանգում է և ասում. «Քո մարզիչը ոչինչ չի հասկանում ֆուտբոլից»: Իսկ ըստ իս՝ Ալեգրին կարողացավ օգտագործել իր տրամադրության տակ եղած բոլոր միջոցները. ՉԼ գավաթի խաղարկության ուղեգիր ձեռք բերելը բոլորին չէ տրված»,- հայտարարել է Սկվինեցին:
Հավելենք, որ «Սասուոլո»-ն կարող է Ա Սերիայի խաղարկության ուղեգիր ձեռք բերել:
