Հոլանդացի կիսապաշտպան Արիեն Ռոբենը Մյունխենի «Բավարիա»-ի պաշտոնական կայքի կազմակերպած հարցման արդյունքում ճանաչվել է ակումբի 2014/15թթ մրցաշրջանի լավագույն ֆուտբոլիստ:
Ռոբենը, ստանալով ձայների 32.9%-ը, ճանաչվել է լավագույնը: Երկրորդ ու երրորդ տեղերը գրավել են Տոմաս Մյուլլերն ու Մանուել Նոյերը՝ համապատասխանաբար 20.1 և 18.5%-ով:
2014/15թթ մրցաշրջանում Ռոբենը մյունխենյան ակումբում 30 խաղում խփել է 19 գոլ: Մրցաշրջանի զգալի հատվածը նա բաց է թողել վնասվածքի պատճառով:
Հիշեցնենք, որ Ռոբենը լավագույնն էր ճանաչվել նաև 2013/14թթ մրցաշրջանի արդյունքներով:
