Կատալոնական «Բարսելոնա»-ի հարձակվող Նեյմարը կարող էր տեղափոխվել Մադրիդի «Ռեալ», եթե «արքայական ակումբ»-ը 2006թ. չհրաժարվեր նրա տրանսֆերի դիմաց 60.000 դոլար վճարել: Այս մասին տեղեկացնում է Marca-ն:
Այդ ժամանակ Նեյմարը մադրիդյան ակումբի ակադեմիայի կազմում մասնակցել է «Միջերկրածովյան միջազգային գավաթ» (MIC) անվանումով մրցաշարին: Այդ ժամանակ Նեյմարը եղել է 14 տարեկան:
Ֆուտբոլիստի գործակալն ու ծնողները նրա տրանսֆերի դիմաց պահանջել են 60.000 դոլար: Այդ գումարն անհրաժեշտ է եղել, որպեսզի Բրազիլիայում գտնվող նրանց առանձնատանն ավելացվի ևս մեկ հարկ՝ Նեյմարի պապիկի ու տատիկի համար: Այնուամենայնիվ, «Ռեալ»-ը հրաժարվել է վճարել այդ գումարը:
