Չեմպիոնների լիագայի քառորդ եզրափակիչ պատասխան խաղում «Տոտենհեմ»-ին հաղթելուց հետո Մադրիդի «Ռեալ»-ի առաջատար Կրիշտիանու Ռոնալդուն վստահեցրել է, որ իրենք կարող են հաղթահարել «Բարսելոնա»-ի արգելքը:
«Մենք լավ հանդիպում անցկացրինք և երկրորդ հաղթանակը տարանք: Կարևորը` հերթական քայլը կատարեցինք դեպի Չեմպիոնների լիգայի եզրափակիչ: Ի սկզբանե մեր առջև եզրափակիչ հասնելու խնդիր էր դրված և մենք մոտ ենք այդ խնդրի լուծմանը: Այժմ մեզ չափազանց բարդ հանդիպում է սպասվում «Բարսելոնա»-ի հետ:
Մրցակիցն ուժեղ է, սակայն կատալոնական ակումբի խաղացողներն այլմոլորակայիններ չեն, նրանց կարելի է հաղթել: Նրանք լավ են խաղում, սակայն մենք էլ ենք լավ մարզավիճակում: Կարծում եմ` ի վիճակի ենք «Բարսելոնա»-ին մրցաշարից դուրս թռցնել»,- Ռոնալդուի խոսքերն է մեջբերում ՈւԵՖԱ-ի պաշտոնական կայքը: