«2012 թվականը բավականին հաջող էր ինձ համար: Առաջին տեղը գրավեցի Բուլղարիայում` Ալբենայի մրցաշարում և, իհարկե, ամենակարևորը շախմատային համաշխարհային Օլիմպիադան էր: Ինձ հաջողվեց հաջող խաղ ցուցադրել երրորդ խաղատախտակի վրա և 10-ից 7.5 միավոր վաստակել: Գրավեցի երկրորդ տեղն ու վաստակեցի արծաթ»,- 1in.am Sport-ի հետ զրույցում ասաց գրոսմայստեր, շախմատի Հայաստանի ազգային հավաքականի ներկայացուցիչ Վլադիմիր Հակոբյանը:
«Ալբենայում վերջին տուրի պարտիան էր շատ բարդ: Այդ պարտիայում եթե չհաղթեի, առաջին տեղ չէի զբաղեցնի: Իսկ Օլիմպիադայից նախավերջին` Հոլանդիայի հավաքականի դեմ խաղն էր շատ բարդ, երբ սևերով հաղթեցի իմ պարտիան, իսկ ամենակարևորը վերջին տուրի պարտիան էր: Այն ոչ թե բարդ էր, այլ շատ լարված, քանի որ չեմպիոնության հարցն էր լուծվելու, ոչ մի կերպ չէր կարելի պարտվել:
Ամանորն այս տարի դիմավորելու ենք Երևանում: Վերջին երեք տարիներին Երևանում չենք եղել: Լինելու եմ տանը, ընտանիքիս անդամների հետ:
Հուսանք, որ այս տարի ինչ չկատարվեց, կկատարվի 2013-ին: Բոլորին ուրախ Ամանոր եմ մաղթում»:
