Ինչպես արդեն տեղեկացրել ենք, 46-49 կգ քաշային կարգում հանդես եկող Հայրիկ Նազարյանը գերազանց հաղթանակ տարավ իտալացի Ջանլուկա Կոնսելմոյի նկատմամբ: Մենամարտից անմիջապես հետո նա պատասխանեց լրագրողների հարցերին:
-Քանի՞ տարեկան ես:
-17 տարեկան եմ:
-Սպասու՞մ էիր նման մենամարտ:
-Լարվածություն կար, առաջին օրն էր: Կաշխատեմ բարելավել արդյունքները և մյուս մենամարտերը նույնպես լավ անցկացնեմ: Այդքան էլ հեշտ չի, բայց կհաղթահարեմ:
-Առջևում քանի՞ մենամարտ կա:
-Դեռ 4 մենամարտ ունեմ: Հուսով եմ, որ կհաղթեմ:
-Տեղյա՞կ էիր մրցակցիդ հնարավորությունների մասին:
-Հնարավորությունների մասին տեղյակ չէի: Նա տեխնիկապես այդքան էլ լավ չէր պատրաստ, բացի այդ հոգնել էր: Ընդհանուր առմամբ գոհ եմ իմ մենամարտից:
-Տրիբունաների նման աջակցությունն օգնու՞մ է, թե ճնշում:
-Երկրպագուների աջակցությունը շատ է օգնում, ոգևորում է:
-Սա քո առաջին հաղթանակն էր: Ի՞նչ սպասելիքներ ունես:
-Սպասելիքներս մեծ են: Հուսով եմ, որ կհաղթեմ նաև մյուս մենամարտերում:
-Սա Աշխարհի առաջնություններին քո առաջի՞ն մասնակցությունն էր:
-Ոչ, երկրորդն է: Փորձ կա:
-Քանի՞ տարի ես զբաղվում բռնցքամարտով:
-Արդեն 9 տարի:
-Ծնունդով որտեղի՞ց ես:
-Գավառից:
