Առաջիկա հանգստյան օրերին եվրոպական առաջատար ֆուտբոլային առաջնություններում տեղի կունենան ընթացիկ մրցաշրջանի հերթական տուրերը:
Իտալիայի Ա սերիայի 14-րդ տուրում տեղի կունենա week end-ի կենտրոնական խաղերից մեկը: Թուրինի «Յուվանթուս»-ը «Յուվենթուս Արենա» մարզադաշտում ընդունելու է «Միլան»-ին: 20 միավորով 6-րդ տեղում գտնվող «Ռոմա»-ն արտագնա խաղում կփորձի առավելության հասնել «Պեսկարա»-ի նկատմամբ, որը 11 միավորով 18-րդ տեղում է: «Նապոլի»-ն ու «Ինտեր»-ը նույնպես արտագնա հանդիպումներ կանցկացնեն՝ մրցելով համապատասխանաբար «Կալյարի»-ի (16 միավոր, 11-րդ տեղ) և «Պարմա»-ի (17 միավոր, 9-րդ տեղ) դեմ:
Մրցաշարային աղյուսակը գլխավորող «Յուվենթուս»-ը վաստակել է 32 միավոր և 4 միավորով գերազանցում է երկրորդ հորիզոնականում գտնվող «Ինտեր»-ին: 3-4-րդ հորիզոնականները 27-ական միավորով կիսում են «Ֆիորենտինա»-ն ու «Նապոլի»-ն:
Ռմբարկուների ցուցակը գլխավորում է «Միլան»-ի հարձակվող Ստեֆան Էլ Շարավին՝ 10 գոլով: 8-ական անգամ աչքի են ընկել «Նապոլի»-ի, «Ուդինեզե»-ի- և «Ռոմա»-ի հարձակվողներ Էդինսոն Կվանին, Անտոնիո Դի Նատալեն ու Էրիկ Լամելան:
Ա սերիա, 14-րդ տուր. 24.11. «Պալերմո» – «Կատանիա»: 25.11. «Ատալանտա» – «Ջենոա», «Կիևո» – «Սիենա», «Պեսկարա» – «Ռոմա», «Սամպդորիա» – «Բոլոնիա», «Տորինո» – «Ֆիորենտինա», «Միլան» – «Յուվենթուս»: 26.11. «Կալյարի» – «Նապոլի», «Պարմա» – «Ինտեր»:
