Իտալական «Նապոլի»-ի հարձակվող Էդիսոն Կավանին, որը «Լացիո»-ի հետ խաղին հեթ-տրիկի հեղինակ դարձավ, խոսել է թիմի նպատակների մասին:
«Մեր թիմը միշտ պայքարում է հաղթանակի հասնելու համար: Այս մրցաշրջանում ցանկանում ենք ինչ-որ արժեքավոր տիտղոս նվաճել: Հենց այս պատճառով է, որ «Նապոլի»-ի համար յուրաքանչյուր խաղը եզրափակչի նման է: Մեր նպատակն այն էր, որ հաղթեինք «Լացիո»-ին: Դա արեցինք մեծ նվիրումով ու գեղեցիկ խաղով: Շատ ուրախ ենք, քանի որ «Կատանիա»-ի դեմ անհաջող խաղից հետո կարողացանք առավելության հասնել «Լացիո»-ի նկատմամբ: Այս երեք միավորը շատ անհրաժեշտ էր «Նապոլի»-ին՝ մրցանակային տեղերի համար պայքարը շարունակելու նպատակով: Ես, իհարկե, ուրախ եմ, որ գոլերի հեղինակ դարձա, սակայն ինձ համար կարևորագույնը թիմի հաղթանակն է: Մենք լավ թիմ ունենք: Մեզանից յուրաքանչյուրը պատրաստ է ամեն ինչ անել «Նապոլի»-ի համար»,- Football Italia-ն փոխանցում է Կավանիի խոսքերը:
