Բռնցքամարտի աշխարհի գերծանրքաշային՝ WBC վարկածով չեմպիոն Վիտալի Կլիչկոն խոստովանել է, որ գերմանացի Մանուել Չարին հաղթելուց հետո հիասթափվել է բժիշկների կայացրած որոշումից:
Հիշեցնենք, որ բժիշկների որոշմամբ՝ Չարը չէր կարող շարունակել պայքարը՝ չնայած մարզիկը հակառակն էր պնդում:
«Չարը դեռ երիտասարդ է: Ես վերահսկում էի մարտը, նրա բոլոր շարժումներն ինձ համար ակնառու էին: Քաջությունը, մինչև վերջ պայքարելու ցակությունն, իհարկե, շատ լավ որակի մասին են խոսում: Սակայն դրանք բավարար չեն:
Բազմաթիվ բաղադրիչներ պետք է միացնել՝ հաղթանակի հասնելու համար: Դրանցից ամենակարևորը փորձն է. թույլ ես տալիս մրցակցին հարձակվել, որպեսզի սխալների համար պատժես: Չարին այդ փորձը դեռ չի բավարարում. նա այնքան էլ շատ մենամարտեր չի անցկացրել:
Երբ դադարեցվեց մարտը, հիասթափություն զգացի. ուզում էի մինչև վերջ մենամարտել ու հաղթել այնպես, որ ոչ մի քննարկում չլիներ սրա վերաբերյալ»,- ասել է Կլիչկոն: