Հինգ քաշային կարգերում աշխարհի չեմպիոն Ֆլոյդ Մեյուեյզերը հայտարարել է, որ Մարկոս Մայդանայի հետ ռևանշից հետո կանցկացնի ևս երկու մենամարտ, որից հետո ձեռբոցները կկախի մեխից:
«Այս մենամարտից հետո ինձ մնացել է ընդամենը երկու մենամարտ: Դրանից հետո ցանկանում եմ զբաղվել Mayweather Promotions բրենդի զարգացմամբ: Այս պահին կենտրոնացած եմ միայն Մայդանայի դեմ մենամարտի վրա:
Չեմ կարող ասել՝ ովքեր կլինեն մրցակիցներս մյուս երկու հանդիպումներում: Վերջին մենամարտս կանցկացնեմ 2015-ի սեպտեմբերին, իսկ դրանից առաջ կմենամարտեմ մայիսին»,- Մեյուեյզերի խոսքերը մեջբերում է Boxing Scene:
Հիշեցնենք, որ Մեյուեյզեր – Մայդանա մենամարտը կկայանա սեպտեմբերի 13-ին՝ Լաս-Վեգասում: