Միջին քաշային կարգում անպարտելի բռնցքամարտիկ Վանես Մարտիրոսյանը (31-0-0) հայտարարեց, որ ինքը պատրաստ է Վիկտոր Օրտիսի (29-3-2) հետ մենամարտին: Նշենք, որ Օրտիսի հետ պետք է մանամարտեր Անդրե Բերտոն (28-1-0), ով մարզման ժամանակ վնասվածք ստացավ և հրաժարվեց փետրվարի 11-ին Լաս-Վեգասում (ԱՄՆ) կայանալիք մենամարտից:
«Եթե ինձ հարցնեին Բերտոյին փոխարինելու պատրաստակամության մասին, անմիջապես դրական պատասխան կտայի: Օրտիսը գիտի, թե ինչ կկատարվի իր հետ, երբ ես իրեն հարվածեմ, նույնիսկ եթե տեղափոխվեմ 147 ֆունտ քաշային կարգ»,- Վանեսին մեջբերում է World Boxing News-ը:
Հիշեցնենք, որ Բերտոյի մարզիչ Վիկտոր Կոնտեն հայտարարեց, որ հունվարի 30-ին տեղի ունեցած մարզման ժամանակ բռնցքամարտիկը ստացել է ձախ ձեռքի երկգլխանի մկանի կտրվածք: