«Առաջին լրատվական»-ն արդեն տեղեկացրել է, որ ահաբեկչություն է իրականացվել Իրաքի Բասրա քաղաքում: Ոստիկանի համազգեստ հագած մահապարտը, ով ուներ անձը հաստատող կեղծ փաստաթուղթ, իրականացրել էր պայթյուն:
Reuters գործակալության նոր տվյալների համաձայն՝ զոհվել է մոտ 50 մարդ, ավելի քան 100-ը տարբեր վնասվածքներ են ստացել:
Պայթյունը տեղի է ունեցել այն ժամանակ, երբ ուխտագնացները ուղևորվում էին մզկիթ: Այս օրերին շիաները ոտքով ուղևորվում են Քերբելա, որը գտնվում է մայրաքաղաք Բաղդադից հարավ, մասնակցելու իմամ Հուսեյնի հիշատակին նվիրված սգո արարողություններին (Առբաին): Վերջին երկու շաբաթների ընթացքում ավելի քան 100 մարդ է զոհվել այս արարողությունների ժամանակ:
Դեռևս որևէ տեղեկատվություն չկա այն մասին, որ որևէ ահաբեկչական խմբավորում ստանձնել է պայթյունի պատասխանատվությունը:
