IBF վարկածով միջին քաշային կարգի Աշխարհի նախկին չեմպիոն Արթուր Աբրահամը (32-2-0), ով 2012 թվականի հունվարի 14-ին գերմանական Օֆֆենբուրգ քաղաքում կմենամարտի արգենտինացի բռնցքամարտիկ Օսկար Նատալիո Ռոսարիո Ֆարիասի (19-1-0) հետ, հայտարարեց, որ ցանկանում է կրկին վերադառնալ իր նախկին բարձունքներին.
«Ես ցանկանում եմ լավ մենամարտ անցկացնել, որպեսզի երջանկացնեմ երկրպագուներիս: Իմ վերջին պարտությունից համապատասխան ենթադրություններ եմ արել, և եկել է առաջ նայելու ու նոր մենամարտերի պատրաստվելու ժամանակը: Ցանկանում եմ վերադարձնել երկրպագուներիս սերն ու հարգանքը, որի համար հունվարի 14-ին անհրաժեշտ է վստահ հաղթանակ տանել:
Հունվարին իմ մարզական կարիերայում նոր փուլ կսկսվի: Ցանկանում եմ տարին հաղթանակով սկսել, իսկ հետագայում նաև կպայքարեմ Աշխարհի չեմպիոնի կոչման համար»,- Աբրահամին մեջբերում է Boxingscene-ն: