Heritage Auctions–ը խաղարկեց Super Mario Bros. տեսախաղի 1986-ի թողարկումը։ Աճուրդի վերջնական գումարը կազմել է 660 հազար դոլար: Այս մասին հայտարարվում է աճուրդի թվիթերյան էջում:
Տեխասի Դալաս քաղաքում անցկացված աճուրդը տեսախաղերի վաճառքի համաշխարհային նոր ռեկորդ է սահմանել: 2020-ին նույն Super Mario Bros. օրինակի համար աճուրդի մասնակիցներից մեկը վճարել է 114 հազար դոլար:
«Քանի որ այս օրինակի և դրա նման այլ արտադրատեսակների արտադրական պատուհանը շատ կարճ էր, նույն արտադրության մեկ այլ օրինակ գտնելը նման կլինի օվկիանոսում մեկ կաթիլ ջուր փնտրելուն»,- ասում է Heritage Auctions տեսախաղերի մասնագետ Վալարի Մակլեկկին:
Ըստ «Ասոշիեյթիդ պրես» գործակալության, տեսախաղը անթերի վիճակում է, 1986 թվականին գնելուց ի վեր՝ փաթեթավորումից չի հանվել: Այն նախատեսված էր եղել որպես Սուրբծննդյան նվեր, սակայն մնացել էր գզրոցում և մոռացվել:
