Երեւանի «Նորք» ինֆեկցիոն հիվանդանոցի տնօրեն Մհեր Դավիդյանցի խոսքով՝ վերջին շրջանում հիվանդությունը փոխել է իր ընթացքը, եւ եթե փետրվար եւ մարտ ամիսներին իրենք ունենում էին հիմնականում թեթեւ եւ միջին ծանրության դեպքեր, այժմ գերակշռում են ծանր եւ ծայրահեղ ծանր դեպքերը:
«Ես կարեւոր եմ համարում առանձնացնել այն դեպքերը, որոնք ուշացված են եղել, ուշ են դիմել բուժօգնության եւ մենք ընդունարանում ականատես ենք լինում մի խումբ մարդկանց, որոնք ցածր թթվաքծնով գալիս են եւ այո, ցավոք մենք ունենում ենք նաեւ մահճակալային ֆոնդի խնդիրներ»,-ասաց նա:
Դավիդյանցը դիմեց բոլոր քաղաքացիներին, որ նրանք օգնեն բուժաշխատողներին եւ պահպանեն հակահամաճարակային միջոցառումները:
«Հավատացեք շատ ծանր է ամեն օր ականատես լինել ծանր հիվանդների եւ մահվան դեպքերի»,- հավելեց նա:
