Հայաստանում անցած մեկ օրում կորոնավիրուսի դեպքերի թիվն աճել է 372-ով՝ հասնելով 7 հազար 774-ի, գրանցվել է հիվանդությունից մահվան ևս 7 դեպք, հաղորդում է Առողջապահության նախարարությունը: Հիվանդությունից բուժվածների թիվն ավելացել է 35-ով և հասել 3 հազար 255-ի: Մահվան դեպքերի վերաբերյալ Առողջապահության նախարարությունը հայտնում է. – «Բուժառուները եղել են 60, 66, 69, 76, 78, 85 տարեկան, բոլորն ունեցել են ուղեկցող քրոնիկական հիվանդություններ: Մահացել է 56-ամյա մի տղամարդ ևս, որն ի դեպ չի ունեցել ուղեկցող քրոնիկական հիվանդություն։ Մահացածների ընդհանուր թիվը հասավ 98-ի։ Այսպիսով, կորոնավիրուսային հիվանդությունից տվյալ պահին Հայաստանում բուժվում է 4 հազար 377 մարդ: Արցախում կորոնավիրուսի 4 նոր դեպք է հաստատվել. 80 մարդ մեկուսացված է։ Հաստատված դեպքերի ընդհանուր թիվը 38 է։ Թեմայի շուրջ «Առաջին լրատվական»-ը զրուցել է դեղագետ, հանրային առողջապահության մասնագետ, ԵՊԲՀ դոցենտ Մարտա Սիմոնյանի հետ: