Թուրքական Sabah թերթի փոխանցմամբ՝ Թուրքիայի նախագահական ապարատն առաջին հայտարարությունն է տարածել թուրք-սիրիական սահմանին մարտական ինքնաթիռի կործանման կապակցությամբ։ Հայտարարության համաձայն՝ կործանված ինքնաթիռը ռուսական Su 24 տիպի կործանիչ է։
Հաղորդվում է, որ Թուրքիայի նախագահ Ռեջեփ Էրդողանի հետ հեռախոսազրույց է ունեցել Թուրքիայի զինված ուժերի գլխավոր շտաբի պետ, բանակի գեներալ Հուլուսի Աքարը, որը նրան իրազեկել է ինքնաթիռի միջադեպի մանրամասների մասին։ Հաղորդվում է նաև, որ Էրդողանը հանդիպելու է երկրի վարչապետ Ահմեթ Դավութօղլուի հետ։
