Հայաստանի մինչև 21 տարեկանների հավաքականի գլխավոր մարզիչ Ռաֆայել Նազարյանը հրապարակել է Մ-21 հավաքականի մարզական հավաքի ծրագիրը: Մարտի 18-ին և 19-ին հավաքականը կանցկացնի երկուական մարզում: Այս մասին տեղեկացնում է ՀՖՖ պաշտոնական կայքը:
Մարտի 19-ին՝ ժամը 16:30-ին, տեղի կունենա Հայաստանի Մ-21 հավաքականի «բաց» մարզումը, որին կարող են ներկա գտնվել միայն ԶԼՄ-ների ներկայացուցիչները, իսկ մարտի 20-ին տեղի կունենա այս հավաքի վերջին «փակ» մարզումը:
Հավաքը կեզրափակվի Հայաստանի ազգային հավաքականի հետ ստուգողական հանդիպումով, որը տեղի կունենա մարտի 21-ին՝ ժամը 17:00-ին, Վազգեն Սարգսյանի անվան «Հանրապետական» մարզադաշտում: Մուտքն ազատ է:
