«Ռուսական երկաթուղիներ» ընկերությունը հստակեցրել է իր դիրքորոշումը Իրան-Հայաստան երկաթգծի շիննախագծի իրագործման հարցում:
«Աշխարհաքաղաքական տեսանկյունից Իրան-Հայաստան երկաթգծի շինարարության նախագիծը Հայաստանի համար ռազմավարական կարևոր նշանակություն ունի՝ եվրասիական և համաշխարհային տրանսպորտային համակարգում հանրապետության տրանսպորտային ենթակառուցվածքի ինտեգրման համատեքստում»,- ասվում է հաղորդագրությունում։
Հստակեցվում է, որ նման ծրագրերի իրականացումը առանց պետության աջակցության դժվարին է՝ հաշվի առնելով ծրագրի զգալի արժեքը և նման ծավալի ծրագրերի փոխհատուցվելիության երկարատև ժամկետները, ինչը նվազեցնում է դրանց տնտեսական գրավչությունը:
«Ռուսական և համաշխարհային փորձը ցույց է տալիս, որ ռազմավարական և ենթակառուցվածքային նախագծերին ուղղված պետական աջակցությունը բազմակողմանի արդյունք է ապահովում և մեծ նշանակություն ունի ընդհանուր տնտեսության կայուն զարգացման համար»,- ասված է ընկերության կայքում հրապարակված հաղորդագրությունում:
Ավելի վաղ հաղորդվել էր, որ «Ռուսական երկաթուղիների» տնօրեն Վլադիմիր Յակունինը Իրան-Հայաստան երկաթգծի կառուցումն անվանել էր ոչ արդյունավետ՝ համեմատելով այն «հարևանի պատին՝ որևէ տեղ չտանող պատուհան» բացելու հետ:
