«Ուլիս»-ն Անթալիայում շարունակում է ուսումնամարզական հավաքը և նախապատրաստվում նախ և առաջ առաջիկա ստուգողական հանդիպումներին: Թիմի բաժնետեր Վալերի Հովհաննիսյանը ակումբի մամլո ծառայության հետ զրույցում նշեց, որ «Ուլիս»-ը այսօր պայամանագիր է ստորագրել երեք նոր ֆուտբոլիստների հետ:
Հայաստանի առաջնության առաջատարի կազմում հանդես գալու հնարավորություն են ստացել պաշտպան՝ Իրակլի Չեժիան, կիսապաշտպան Նիկա Պիլիևը և հարձակվող Իրակլի Գոպերիձեն: Մոտ օրերս պայմանագիր կստորագրվի նաև պաշտպան Լևան Ջարկավայի հետ:
«Մենք ունենալու ենք խաղային օղակներում բարձր մրցակցություն և հավասար հնարավորություններով խաղացողներ: Եվ ոչ ոք չի կարող համարվել մեկնարկային կազմի խաղացող: Յուրաքանչյուրը կարող է դուրս գալ խաղադաշտ խաղի սկզբում կամ փոխարինման»:
Վալերի Հովհաննիսյանը մի քանի պարզաբանումներ էլ տվեց թիմի ծրագրերի մասին ու նոր փոփոխություների հետ կապված:
«Առայժմ ընտրում ենք նոր մարզիչ: Այդ առումով դեռևս փոփոխություն չկա: Թիմի գլխավոր մարզիչը Գագիկ Սիմոնյանն է, և նա էլ անցկացնում է մարզումները: Մենք, կարելի է ասել՝ թիմ ենք կառուցում և ամեն ինչ համոզված եմ լավ է լինելու: Ավելացնեմ, որ ես զրուցել եմ թիմի բաժնետերերի հետ: Ընդ որում մինչև հիմա ես բաժնետերերին չեմ ներկայացրել: Մեզ շատ է օգնում Ալեքսեյ Ռիբինը, ով Մոսկվայի բիզնեսմեն է և թիմի ծանր պահերին միշտ մեր կողքին է:
Մենք միասին նախագծեր ենք իրականացնում: Բացի այդ, մենք ունենք բարեկամներ Նովոսիբիրսկում: «Holydey classic» ընկերությունների խումբը: Այս դեպքում էլ մեզ մեծ օգնություն է ցուցաբերվում: Ես շնորհակալ եմ Ալեքսեյ Ռիբինից, Նիկոլայ Սկորոխոդովից:
– Ի՞սկ ինչ ինֆորմացիա կա Էդուարդ Կպոդոյի մասին:
-Կպոդոն փասթաթղթերի հետ կապված խնդիրներ ուներ և չկարողացավ միանալ Ղազախստանի թիմին: Ամենայն հավանականությամբ, Կպոդոն կմիանա «Ուլիս»-ին:
«Ուլիս» ՖԱ
Մալո քարտուղարություն
