Կանադայի վարչապետ Սթիվեն Հարփերը հայտնել է, որ Կանադան պատրաստվում է հավելյալ պատժամիջոցներ սահմանել Ռուսաստանի դեմ: Այս մասին հայտնում է BBC-ի ռուսական ծառայությունը՝ հղում անելով Հարփերի պաշտոնական կայքին:
«Քանի որ Ռուսաստանը շարունակում է իր ագրեսիան, այդ թվում՝ տարբերանշանների օգնությունն և զինամթերքի մատակարարումը Ուկրաինայի արևելքում պուտինյան ռեժիմի գործակալներին, Կանադան հայտարարում է առաջիկա օրերին տնտեսական և քաղաքական ճնշումը կրկին ավելացնելու իր մտադրության մասին՝ հավելյալ պատժամիջոցներ սահմանելով ռեժիմի և նրանց նկատմամբ, ովքեր դրան առավել մոտ են»,- կայքը մեջբերում է նրա խոսքերը:
Հարփերի խոսքով՝ Ռուսաստանի նախագահ Վլադիմիր Պուտինի գործողությունները «ակնհայտ, ուղղակի վտանգ են ներկայացնում ուկրաինացի ժողովրդի և օրինականորեն ընտրված կառավարության համար»:
