Ֆրեյզերում (Փենսիլվանիա նահանգ) արջը մտել է առևտրի կենտրոն,- հաղորդում է Tribune-Review-ն
Դեպքը տեղի է ունեցել հուլիսի 21-ի երեկոյան: Արջի հետ հանդիպումից ոչ ոք չի տուժել: Արջը նույնպես վնասվածքներ չի ստացել:
Ականատեսների խոսքով` կենդանուն նկատել են խանութի ավտոկանգառում տեղական ժամանակով ժ. 20:30-ին: Արջին փորձել են քշել, սակայն կենդանին չի կարողացել կողմնորոշվել տարածության մեջ ու փախել մտել է առևտրի կենտրոն: Հաճախորդներին անմիջապես տարհանել են:
Կենդանուն ներարկմամբ քնեցրել են, ապա դուրս բերել խանութի տարածքից:
Հայտնի չէ, թե որտեղից է հայտնվել արջը: Ենթադրաբար, կենդանին երկար տարածություն է անցել: Շուրջ 1 տարեկան կենդանին, հնարավոր, որևէ գիտական ծրագրի մասնակից է, քանի որ կենդանու վզին եղել է վզնոց, որը թույլատրում է հետևել նրա տեղաշարժին:
