Իտալիան հնարավոր է օգնության խնդրանքով դիմի եվրոգոտուն, քանի որ ֆինանսների նախարարները չեն կարողացել շուկաներին համոզել, որ բլոկի պարտքային ճգնաժամը վերահսկվում է: Այս մասին, ինչպես հաղորդում է Reuters-ը, հայտարարել է Իտալիայի վարչապետ Մարիո Մոնտին:
«Համարձակ կլիներ ասել, որ Իտալիան երբեք չի օգտագործի (այդ մեխանիզմը-1in.am),- ասել է Մոնտին Բրյուսելում ֆինանսների նախարարների հանդիպումից հետո:- Իտալիան կարող է հետաքրքրված լինել»:
Վարչապետին անհանգստացնում է իտալական պարտատոմսերի եկամտաբերության աճը, որը երեքշաբթի բարձրացել է մինչև 6%: 7%-ից բարձր՝ պարտքի մատակարարումն արդեն համրվում է անընդունելի:
Մոնտիի մեկնաբանությունները ցույց են տալիս, որ արդեն 2.5 տարի շարունակվող եվրոգոտու ճգնաժամը կարող է կլանել բլոկի և զարգացած երկրների «Մեծ յոթյակի» երրորդ խոշորագույն տնտեսությունը, որոնք չափազանց մեծ են միմյանց օգնելու համար:
Հիշեցնենք, արդեն եվրոգոտու 5 երկրներ՝ Իռլանդիան, Հունաստանը, Պորտուգալիան, Իսպանիան և Կիպրոսը դիմել են ֆինանսական օգնության: