Բրիտանացի հայտնի կինոռեժիսոր Դեննի Բոյլը որոշել է համատեղել Բրիտանիայի կյանքից հովվերգական էջերն ու Միացյալ Թագավորության դժվարին պատմությունը Լոնդոնում հունիսի 27-ին կայանալիք Օլիմպիական խաղերի բացմանը: Ներկայացումը կրելու է «Հրաշքների կղզիներ» անվանումը:
«Պատմական շքերթի» ժամանակ հանդիսատեսը մարզադաշտում, ինչպես նաև գրեթե մեկ միլիարդանոց միջազգային հեռուստահանդիսատեսը կտեսնի էպիզոդներ` նվիրված բրիտանացի կանանց` իրենց իրավունքների համար պայքարին, 1936 թ. աշխատավորների բողոքի ցույցերին` ընդդեմ աղքատության ու գործազրկության:
Այս պատմական իրադարձությունները կզուգակցվեն ներգաղթի և էկոնոմիկայի հետ ու կցուցադրվեն արտադրական լանդշաֆտի ֆոնին, որը կգա փոխարինելու գյուղական հովվերգությանը` կովերով, սագերով, հավերով ու բադերով:
Նման փոխակերպումները կուղեկցվեն երաժշտությամբ, երբ դասական երաժշտությանը կհետևեն ժամանակակից ռիթմերը:
Բեմադրության կուլմինացիան կդառնա մարզադաշտում 5 օղակների հայտնվելը, որոնք այնուհետ կբոցավառվեն:
Ավելի քան 42 մլն դոլարանոց շոուն կզուգակցվի արհեստական անձրևով, Գլասթոնբերիի երաժշտական փառատոնի նկարներով, կրիկետի խաղով:
«Հրաշքների կղզիներ» 3-ժամանոց շոուն կեզրափակի լեգենդար բիթլ Փոլ Մակքարտնին, որը կկատարի լիվերպուլյան հայտնի քառյակի Hey Jude երգը։