Պորտուգալիայի ազգային հավաքականի ավագ Քրիշտիանու Ռոնալդուն նշել է, որ «Եվրո-2012»-ի հանդիպումներում լավ խաղ է ցուցադրելու և ուշադրություն չի դարձնելու իրեն հասցեագրված քննադատություններին:
«Որքան ավելի հայտնի ես դառնում, այնքան ավելի մեծ ճնշում ես զգում քո անձի վրա. պարտավոր ես մշտապեո բարձրակարգ ֆուտբոլ ցուցադրել:
Անգամ Մեսսին քննադատներ ունի: Հնարավոր չէ բոլորին գոհացնել: Բայց ես այդ առումով չեմ զայրանում: Չէ՞ որ պրոֆեսիոնալ ֆուտբոլիստ եմ: Պարզապես խաղադաշտ դուրս գալուց հետո փորձում եմ ցուցադրել լավագույն խաղային որակներս:
Յուրաքանչյուր հանդիպումը մենք ավելի լավ ենք անցկացնում: Մեր թիմը միասնական է, մենք ուժեղ կամք ունենք, ինչն օգնում մեզ հաղթել: Դժվար էր «Եվրո-2012»-ի կիսաեզրափակիչ հասնել: Այժմ մեր նպատակը եզրափակիչ անցնելն է: Իսկ ինչու՞ ոչ»,- Ռոնալդուին մեջբերում են պորտուգալական լրատվամիջոցները:
