Ֆրանսիայի «Պարի Սեն-Ժերմեն» ակումբի ղեկավարները չեն հրաժարվում «Պորտու»-ի բրազիլացի ռմբարկու Հալկի իրավունքները ձեռք բերելու գաղափարից: Այդ մասին են տեղեկացնում պորտուգալական և ֆրանսիական լրատվամիջոցները:
Փարիզյան ակումբի ներկայացուցիչները և Հալկի գործակալ Թեոդորո Ֆոնսեկան արդեն քննարկում են ֆուտբոլիստի` ՊՍԺ հնարավոր տեղափոխության մանրամասները: Բրազիլիայի ազգային հավաքականի ֆուտբոլիստի տրանսֆերի դիմաց ՊՍԺ-ի ղեկավարները պատրաստ են 53 մլն եվրո վճարել:
Հիշեցնենք, որ Հալկի ծառայություններով է հետաքրքրված նաև Լոնդոնի «Չելսի»-ն:
Թիմի առաջատարի իրավունքների դիմաց «Պորտու»-ն 72 մլն եվրոյի կարգի գումար է պահանջում:








































