Լեհաստանի ազգային հավաքականի գլխավոր մարզիչն արդեն հայտնել է, որ ազգային թիմի առաջիկա հանդիպմանը, հավանաբար, թիմի մեկնարկային կազմում կընդգրկի Տիտոնին: Այնուամենայնիվ, Լոնդոնի «Արսենալ»-ի և ազգային հավաքականի դարպասապահ Վոյցեխ Շենսնին վստահ է, որ գլխավոր մարզչի վերջնական որոշումն իր օգտին կլինի:
«Մեր մարզիչը դժվարին ընտրություն պետք է կատարի: Սակայն ես մշտապես պայքարում եմ թիմի կազմում տեղ զբաղեցնելու համար և վստահ եմ, որ հունիսի 16-ին հիմնական կազմում խաղադաշտ դուրս կգամ: Հուսով եմ, որ մարզչի կայացրած որոշումը ձեռնտու կլինի բոլորին: Կարմիր քարտը, որ ես ստացել եմ հույների հետ խաղի ժամանակ, արդեն ոչինչ չի նշանակում: Եթե ես շանս ունենամ, ուշադիր կլինեմ և արժանի արդյունք կգրանցեմ: Հաստատ վախի զգացում չեմ ունենա, որ պատմությունը կարող է կրկնվել»,- լեհ լրագրողներին է հայտնել դարպասապահը:
