Այս գիշեր տեղի կունենա արտասովոր աստղագիտական երևույթ: Վեներան փոքր, սև կետի նման կանցնի արևի սկավառակի վրայով: Երևույթին կարելի է հետևել արևային ֆիլտրեր ունեցող սարքերով:
Հունիսի 5-ի լույս 6-ի գիշերը Երկիրը, Վեներան և Արևը կհայտնվեն մեկ գծի վրա: Վեներայի տարանցումը կօգնի Արևի և էկզոմոլորակների միջև հեռավորության կոնկրետացմանը: Եթե հարյուր տարի առաջ գիտնականները հետևել են Վեներայի և Մերկուրիի տարանցմանը Արևի և Երկրի միջև, որպեսզի հստակեցնեն նրանց հեռավորությունը Արևից, ապա այս դիտումները կօգնեն որոնել արեգակնային համակարգից դուրս գտնվող մոլորակների որոնումներում:
Վեներայի տարանցմանը կհետևեն աշխարհի տարբեր կետերից: Այն կերևա ամենուր, բացի Հարավային Ամերկայից, Անտարկտիդայից և Արևմտյան Աֆրիկայից:
NASA տիեզերական գործակալության կայքում երևույթն ուղիղ եթերում կհեռարձակվի: Մոլորակն իր պտույտը կսկսի Մոսկվայի ժամանակով ժամը 02:09-ին, իսկ 04:50-ին կհայտնվի արևի սկավառակի վրա:
Արտասովոր աստղագիտական երևույթը տեղի է ունենում 100 տարին մեկ: Հաջորդ անգամ այն տեղի կունենա 105 տարի հետո՝ 2117 թվականի դեկտեմբերի 11-ին: 251 տարի առաջ երևույթն ուսումնասիրել է հայտնի ռուս գիտնական Միխաիլ Լոմոնոսովն ու բացահայտել մոլորակի մթնոլորտը: