Մադրիդի մրցաշարի եզրափակչում աշխարհի առաջին ռակետ Վիկտորյա Ազարենկոյին ջախջախելուց հետո ամերիկացի թենիսիստուհի Սերենա Ուիլյամսը հարցազրույց է տվել մրցաշարի պաշտոնական կայքին:
«Պատրա՞ստ եմ արդյոք պայքարել վարկանիշային աղյուսակի առաջին հորիզոնականը զբաղեցնելու համար։ Ես չեմ խաղում, որպեսզի լինեմ երկրորդը։ Մենք խաղում ենք, որպեսզի լինենք լավագույնը։ Իմ և մյուս բոլոր մարզուհիների գլխավոր նպատակը առաջին տեղը զբաղեցնելն է։
Ազարենկոյին պարտության մատնելն այդքան էլ հեշտ չէ, քանի որ նա աշխարհի առաջին ռակետն է և ընթացիկ մրցաշրջանում արդեն 5 տիտղոս է նվաճել։
Նրա հետ հանդիպումներում ես փորձում եմ լավագույն խաղ ցուցադրել, որպեսզի կարողանամ հավասար պայքար մղել նրա հետ»,- հայտարարել է Սերենան։
Հիշեցնենք, որ Ուիլյամսն Ազարենկոյին Մադրիդի մրցաշարի եզրափակչում պարտության էր մատնել 6։1, 6։3 հաշվով։
