Կատալոնական ակումբը մտադիր է լուրջ գնումներ կատարել ամառային տրանսֆերային պատուհանի ընթացքում: Որոշ տվյալներով՝ «Բարսա»-ի գլխավոր մարզիչ Տիտո Վիլանովան տրանսֆերների համար կստանա մոտ 100 մլն եվրո: Դրանցից 30 միլիոնը կտրամադրվեն տրանսֆերների համար նախատեսված գումարներից, 50-ը՝ ակումբի բյուջեից, իսկ մնացած 20-ը՝ ֆուտբոլիստների տրանսֆերներից:
Այս ամենին գումարած մի զգալի գումար էլ ակումբը կխնայի մարզչի աշխատավարձի վրա, քանի որ Վիլանովայի աշխատավարձը շատ ավելի համեստ է լինելու, քան այժմ Գուարդիոլայինն է:
Սպասվում է, որ այս տարի թիմը կլքեն Դանիել Ալվեշը և Սեյդու Կեյտան: «Բարսելոնա»-ն նպատակադրվել է ձեռք բերել «Ատլետիկ»-ի հարձակվող Ֆերնանդո Լյորենտեի և «Վալենսիա»-ի պաշտպան Խորդի Ալբայի տրանսֆերները:
