Թուրքական Dünya Bülteni կայքի փոխանցմամբ՝ Թուրքիայում ազատ է արձակվել PKK-ի քաղաքացիական թև համարվող «Քրդական համայնքների միության» (KCK) գործի շրջանակներում 2011 թվականի հոկտեմբերի 28-ին ձերբակալված թուրք իրավապաշտպան և «Բելգե» հրատարակչության հիմնադիր-տնօրեն Ռագըփ Զարաքօլուն: Նրա հետ մեկտեղ ազատ են արձակվել KCK-ի գործով 15 ձերբակալվածներ:
Հիշեցնենք, որ 20 օր առաջ ավարտվել էր KCK-ի գործի շրջանակներում կալանավորված 193 անձանց նկատմամբ մեղադրականի կազմումը: 2400 էջից բաղկացած այդ մեղադրականն ուղարկվել էր Ստամբուլի ծանր հանցագործությունները քննող 15-րդ դատարան:
Զարաքօլուն մեղադրվում էր «ահաբեկչական կազմակերպությանն օգնելու և հովանավորելու» մեջ, ինչի համար նրան սպառնում էր 10 տարվա ազատազրկում: