Աստղագետները հայտնաբերել են, որ մոլորակները, որոնք տեղակայված են կարմիր թզուկների շուրջը` բնակության համար նպաստավոր շրջանում, կարող են ենթարկվել «մահացու» մակընթացությունների: Գիտնականների հոդվածը դեռ պատրաստ չէ տպագրության, սակայն այն տեղադրված է arXiv.org. կայքում:
Աստղի շուրջ բնակության համար նպաստավոր շրջան է անվանվում այն շրջանը, որտեղ հիպոթետիկ քարքարոտ մակերեսին, որը շատ նման է Երկրագնդին, կարող է գոյություն ունենալ հեղուկ վիճակում ջուր (այն համարվում է կյանքի զարգացման համար անհրաժեշտ պայման)։
Հետազտության օբյեկտ են հանդիսացել կարմիր թզուկները` մեր գալակտիկայում աստղերի ամենաբազմաթիվ պոպուլյացիան, որը, բացի այդ, աչքի է ընկնում նաև բնակության համար նպաստավոր բավական լայն գոտիով:
Գիտնականներին հաջողվել է հայտնաբերել անսպասելի էֆեկտ: Պարզվում է, որ եթե քարքարոտ մոլորակը տեղակայված է իր աստղին բավական մոտ (0.12 աստղագիտական միավորից պակաս), ապա այն կարող է կորցնել ջրային զանգվածը:
Դրա պատճառը մոլորակի տաքացումն է աստղի մակընթացայի ազդեցության հետևանքով: Տաքացման արդյունքում ջուրը ցնդում է, իսկ գոլորշին աստղի ճառագայթման հետևանքով վերածվում է թթվածնի և ջրածնի: Վերջինս աստիճանաբար լքում է մթնոլորտը, և որպես հետևանք` մոլորակը աստիճանաբար չորանում է: