Goal.com կայքին տված հարցազրույցում Մարիո Գոմեսի պապը՝ Խոսե Գոմեսը, հայտնել է, որ Մյունխենի «Բավարիա»-ի և Գերմանիայի Բունդեսլիգայի լավագույն ռմբարկու Մարիո Գոմեսը մերժել է Մադրիդի «Ռեալ»-ի՝ թիմի կազմ տեղափոխվելու առաջարկը:
«Մադրիդյան ակումբը ցանկանում էր ձեռք բերել Գոմեսի տրանսֆերը, սակայն ֆուտբոլիստը չի ցանկանում տեղափոխվել այլ ակումբ: Նա իրեն հրաշալի է զգում Մյունխենում, առավել ևս հիմա, երբ արժանանում է թիմի գլխավոր մարզչի վստահությանը: Գոմեսը շատ ուրախ է, որ երկարաձգել է իր՝ «Բավարիա»-ի հետ կնքած պայմանագրի ժամկետը մինչև 2016 թվականը», – ասել է Խոսե Գոմեսը:
Հիշեցնենք, որ «արքայական ակումբ»-ը ֆուտբոլիստի տրանսֆերի դիմաց «Բավարիա»-ին առաջարկում էր 35 մլն եվրո:
