Իսպանական մամուլի տեղեկացմամբ կատալոնական «Բարսելոնա»-ի գլխավոր մարզիչ Պեպ Գվարդիոլան հայտարարել է, որ իր գլխավորած թիմը չի կարողանա դառնալ Իսպանիայի ընթացիկ առաջնություն չեմպիոն:
«Կապտանռնագույններ»-ի մարզիչն այդ արտահայտությունն արել է Լա Լիգայի 28-րդ տուրի շրջանակներում կայացած «Սևիլիա»-ի հետ արտագնա հանդիպումից հետո: Հիշեցնենք, որ Գվարդիոլայի սաները 2:0 հաշվով հաղթանակ են տարել դաշտի տերերի նկատմամբ:
«Ուրախ եմ, որ կարողացանք հաջողության հասնել նման բարդ հանդիպման ժամանակ: Խնդիրն այն է, որ իմ ֆուտբոլիստները չօգտագործեցին մի շարք գոլային պահեր, սակայն պետք է նշեմ, որ երեկ հիանալի հանդիպում անցկացրեց նաև «Սիևիլիա»-ի դարպասապահ Անդրես Պալոպը: Մենք պատրաստ ենք մինչև ընթացիկ մրցաշրջանի ավարտը պայքարել չեմպիոնի կոչման համար, բայց ես չեմ հավատում, որ հնարավոր կլինի այն նվաճել: Այս տարի «Բարսելոնա»-ն չի կարող դառնալ Լա Լիգայի չեմպիոն»,- հայտարարել է Գվարդիոլան՝ չմոռանալով նաև գովեստի խոսքեր հղել ակումբի արգենտինացի հարձակվող Լիոնել Մեսսիին:
