Վերջին շրջանում շատ են խոսակցությունները, որ «Սալավատ Յուլաև»-ի հարձակվող Ալեքսանդր Ռադուլովը կրկին կարող է հանդես գալ «Նեշվիլ Պրեդատորս»-ում: Հիշեցնենք, որ Ռադուլովը ժամանակին խաղացել է այդ թիմում, սակայն տեղափողվել է ռուսական ակումբ:
Այժմ, երբ Հոկեյի ազգային լիգայում որոշվում են փլեյ-օֆֆի մասնակիցները, թիմերը համալրում են իրենց շարքերը: Շատ հավանական է, որ Ռադուլովը ևս որոշի համալրել «Պրեդատորներ»-ի շարքերը: Բազմաթիվ լրատվամիջոցներ նշում են 4 պատճառ, թե ինչու Ռադուլովը պետք է մեկնի օվկիանոսից այն կողմ.
1. Մասնագետների կարծիքով Կոնտինենտալ հոկեյի լիգան իր չափանիշներով զիջում է Հոկեյի ազգային լիգային, և բոլոր խաղացողներին խորհուրդ է տրվում հնարավորության դեպքում մեկնել ԱՄՆ:
2. Երբ չորս տարի առաջ Ռադուլովը հեռացավ «Նեշվիլ»-ից, այդ թիմում կադրային խնդիրներ կային, այսօր «Նեշվիլ»-ն ունի ամենաուժեղ կազմերից մեկը և կարող է մրցակցել ցանկացած թիմի դեմ:
3. Ռադուլովը միշտ աչքի է ընկել իր խարիզմատիկ բնավորությամբ, որի պակաս այժմ զգացվում է Հոկեյի ազգային լիգայում` Սինդի Կրոսբի վնասվածքից հետո:
4. Ռադուլովը մեծ ցանկություն ունի Ռուսաստանի ընտրանու կազմում հանդես գալ այս տարի Շվեդիայում կայանալիք Հոկեյի աշխարհի խաղերին և, տեղափոխվելով «Նեշվիլ», նա ավելի շատ խաղային փորձ ձեռք կբերի:
