Աշխարհահռչակ շախմատիստ Գարի Կասպարովը հարցազրույց է տվել գերմանական Frankfurter Allgemeine Zeitung թերթին, որտեղ խոսել է Ռուսաստանի ներկայիս իրավիակի, սպորտի, ինչպես նաև անդրադարձել է շախմատի զարգացման հիմնախնդիրներն աշխարհում` ընդհանրապես, և Ռուսաստանում` մասնավորապես: Այն հարցին, թե ինչու շախմատը չի զարգանում Ռուսաստանում, նա պատասխանել է. «Կիրք չկա: Խոսքը գնում է բիզնեսի և իշխանության, այլ ոչ թե տաղանդներին աջակցելու մասին: Աշխարհի առաջնություններում Ռուսաստանը 8-18 տարեկանների կարգերում ներկայացնում է ամենաշատ մասնակիցների, սակայն ոչ մի անգամ ոսկե մեդալ չի շահել: Ադրբեջանն ունի երեք ոսկի: Չի կարելի երկրի զարգացումն առանձնացնել շախմատի զարգացումից: Մեր կառավարությունն ատում է ինտելեկտը: Խորհրդային Միությունը թեպետ ուներ վատ քաղաքական համակարգ, սակայն շախմատի զարգացմանը մեծ գումարներ էին հատկացվում, քանի որ դա գաղափարախոսական զենք էր, ինչպես նաև գործիք` ինտելեկտը զարգացնելու համար: Երեխաներն այլ հնարավորություններ չունեին: Շախմատը դիտվում էր որպես ապագա ունեցող երևույթ: Հիմա Ադրբեջանում և Հայաստանում նմանատիպ իրավիճակ է»:
