Sky Sports-ի տեղեկացմամբ Հռոմի «Լացիո»-ի 66-ամյա գլխավոր մարզիչ Էդուարդո Ռեյան հրաժարական է տվել, սակայն ակումբի ղեկավարությունը հրաժարվել է ընդունել այն: Նշենք, որ վերջին երկու խաղերում «Լացիոն» Եվրոպայի Լիգայի գավաթի 2011/12թթ. խաղարկության 1/16 եզրափակիչում սեփական հարկի տակ 1:3 հաշվով պարտվեց Մադրիդի «Ատլետիկո»-ին, իսկ Ա Սերիայի շրջանակներում կայացած խաղում «Պալերմո»-ին զիջեց 1:5 հաշվով:
Ընթացիկ մրցաշրջանում «Լացիո»-ի ղեկավարությունը երկրորդ անգամ չի ընդունում Ռեյայի հրաժարականը: Սեպտեմբերին մարզիչն իր զբաղեցրած պաշտոնը ցանկանում էր լքել «Ջենոա»-ից կրած պարտությունից հետո (1:2):
Հիշեցնենք, որ Ա Սերիայի ընթացիկ մրցաշրջանի 24-րդ տուրից հետո «Լացիո»-ն զբաղեցնում է մրցաշարային աղյուսակի 4-րդ հորիզոնականը և առաջատար «Միլան»-ին զիջում է 8 միավորով:
