Իսպանական մամուլը տեղեկացնում է, որ «Բարսելոնա»-ն և Բիլբաոյի «Ատլետիկ»-ը ցանկանում են Իսպանիայի գավաթի խաղարկության եզրափակիչ հանդիպումն անցկացնել Մադրիդի «Սանտիագո Բեռնաբեո» մարզադաշտում:
Կայացել է «Բարսելոնա»-ի փոխնախագահ Տոնի Ֆրեյշիի, «Ատլետիկ»-ի նախագահ Խոսու Ուրուտիի հանդիպումն Իսպանիայի ֆուտբոլի ֆեդերացիայի (RFEF) ներկայացուցիչների հետ: Բասկերն ու կատալոնացիները պնդում են, որ հանդիպումը պետք է կայանա Մադրիդում, սակայն «Ռեալ»-ը հրաժարվում է իր մարզադաշտը տրամադրել այդ խաղի անցկացման համար:
Ֆրեյշան և Ուրրուտիան RFEF-ից պահանջել են 10 օրվա ընթացքում Մադրիդի «Ռեալ»-ին ստիպել փոխել այդ որոշումը: Հիշեցնենք, որ ԻՖՖ-ի որոշմամբ «Ատլետիկ» – «Բարսելոնա» խաղը պետք է տեղի ունենար «Սանտիագո Բեռնաբեո» մարզադաշտում, սակայն «արքայական ակումբ»-ի ղեկավարությունը հայտարարել էր, որ մարզադաշտը չի տրամադրի այդ խաղի անցկացման համար: