Ավարտվեց Իսպանիայի առաջնության 21-րդ տուրի առաջին խաղային օրը:
Մադրիդի «Ռեալ»-ը «Սանտիագո Բեռնաբեո» մարզադաշտում ընդունեց «Սարագոսա»-ին: Օգտվելով դաշտի տերերի պաշտպանությունում տիրող բարձիթողի վիճակից` Անխել Լաֆիտան հաշվի մեջ առաջ մղեց «Սարագոսա»-ին: 32-րդ րոպեին Կական, փոխանցում ստանալով Ռիկարդու Կառվալյուից, վերականգնեց հաշվի հավասարակշռությունը:
Ընդմիջումից հետո «Ռեալ»-ի ֆուտբոլիստները շարունակեցին ճնշում գործադրել մրցակցի դարպասին: 49-րդ րոպեին Քրիշտիանու Ռոնալդուն բացահայտ խաղից դուրս վիճակից խփեց այդ խաղում «արքայական ակումբ»-ի երկրորդ գնդակը: Հանդիպման վերջակետը դրեց գերազանց մարզավիճակում գտնվող Մեսութ Օզիլը` ձախ ոտքի դիպուկ հարվածով գրավելով Ռոբերտո Խիմենեսի պաշտպանած դարպասը:
Լա Լիգայի գործող չեմպիոն «Բարսելոնա»-ն «Էլ Մադրիգալ» մարզադաշտում չկարողացավ կոտրել «Վիլյառեալ»-ի դիմադրությունը. գրանցվեց գոլազուրկ ոչ-ոքի, որի արդյունքում «Ռեալ»-ի ու «Բարսելոնա»-ի միջև միավորների տարբերությունը հասավ 7-ի: Մյուս երկու հանդիպումներում գրանցվեցին հետևյալ արդյունքները`
«Էսպանյոլ» – «Մալյորկա»` 1:0
1:0 Վայս (18’)
Ռայո Վալլեկանո» – «Ատլետիկ»` 2:3
1:0 Միկու (11’), 1:1 Լյորենտե (17’), 1:2 Լյորենտե (23’), 2:2 Արիբաս (27’), 2:3 Լյորենտե (68’)
