Footy Bunker-ի տեղեկացմամբ «Լիվերպուլ»-ը դարձել է «Նապոլի»-ի հարձակվող Էդիսոն Կավանիի տրանսֆերի ձեռքբերման հերթական հավակնորդը: Ուրուգվայցի ֆուտբոլիստի տրանսֆերի համար «մերսիսայդցիներ»-ը պատրաստ են 35 մլն ֆունտ վճարել:
24-ամյա Կավանիի` «Նապոլի»-ի հետ կնքած պայմանագրի ժամկետը լրանալու է 2016 թվականի ամռանը, սակայն իտալական ակումբի ղեկավարները շտապեցին հայտարարել, որ այդ գումարով բաց չեն թողնի թիմի առաջատարներից մեկին:
Ընթացիկ մրցաշրջանում Կավանին «Նապոլի»-ի կազմում 24 հանդիպում է անցկացրել` խփելով 16 գնդակ: 19 տուրերից հետո «Նապոլի»-ն վաստակած 29 միավորով զբաղեցնում է մրցաշարային աղյուսակի 7-րդ հորիզոնականը:
