«Լոս-Անջելես Լեյքերս»-ի գլխավոր մարզիչ Մայք Բրաունը, ով ավելի վաղ մարզել է «Քլիվլենդ»-ը, փորձել է համեմատել Քոբի Բրայընթին և Լեբրոն Ջեյմսին.
«Երկուսն էլ իսկական մարտիկներ են, որոնք միշտ ձգտում են հաղթանակի: Բայց նրանց համեմատելը շատ դժվար է: Բրայընթն ու Լեբրոնը բարձրակարգ խաղ են ցուցադրում, բայց այլ ոճի բասկետբոլիստներ են: Նրանք տարբեր են թե՛ պաշտպանվելիս, թե՛ հարձակվելիս: Լեբրոնին շատ է օգնում նրա թիմակից Դուեյն Ուեյդը, որի հետ խաղալը Ջեյմսին ավելի հզոր է դարձնում:
Լեբրոնը սիրում է ծիծաղել և կատակել իր թիմակիցների հետ: Քոբին ավելի լուրջ անձնավորություն է: Ընդհանուր առմամբ նրանք երկու տարբեր անհատականություններ են»,- Բրաունին մեջբերում է ամերիկյան մամուլը:
