Բրիտանացի բռնցքամարտիկ Դերեկ Չիսորան (15-2-0), ով փետրվարի 18-ին Գերմանիայի Մյունխեն քաղաքում կմենամարտի WBC վարկածով գերծանր քաշային կարգում Աշխարհի չեմպիոն Վիտալի Կլիչկոյի (43-2-0) հետ, հայտարարեց, որ 8-րդ ռաունդում ինքը նոկաուտի կենթարկի ուկրաինացուն.
«Ես Կլիչկոյին նոկաուտի կենթարկեմ 8-րդ ռաունդում, քանի որ դա ինձ համար երջանիկ թիվ է: Նա դեռ չգիտի, թե իրեն ինչ է սպասվում: Ես կնվաճեմ նրա չեմպիոնական տիտղոսը:
Բոլորը հոգնել են Վիտալիից և նրա եղբորից, որոնք բռնցքամարտը զրկել են հետաքրքրությունից: Նրանք սպանել են իմ սիրելի սպորտաձևը: Եկել է ժամանակը, որ գերծանր քաշային կարգը նոր արքա ունենա, որը կլինեմ ես: Հուսով եմ` նա չի խուսափի մենամարտից»,- Չիսորային մեջբերում է BBC Sport-ը:
