Հայաստանի հավաքականի հարձակվող Յուրա Մովսիսյանը «Կրասնոդար»-ի հետ մեկնեց Թուրքիա, որտեղ Բելեկ քաղաքում կանցկացնի ուսումնամարզական հավաք:
Թիմը հանգրվանեց Cornelia Diamond հյուրանոցում: Նշենք, որ «Կրասնոդար»-ը Բելեկում ուսումնամարզական հավաք անցկացրել էր նաև անցած տարի, և «ցուլեր»-ի մարզչական շտաբը գոհ էր մնացել պայմաններից:
Այսօր թիմը կկատարի իր առաջին մարզումը: Հիշեցնենք, որ Բելեկում «Կրասնոդար»-ը կանցկացնի երկու ընկերական հանդիպում: Յուրա Մովսիսյանի թիմը հունվարի 18-ին իր ուժերը կչափի ալբանական «Թեումա Դուրրես»-ի հետ, իսկ հունվարի 21-ին կհանդիպի Զապորոժիեի «Մետալլուրգ»-ին:
