Գերծանր քաշային կարգում WBC վարկածով Աշխարհի չեմպիոն Վիտալի Կլիչկոն պատմել է, որ մոտակա երկու տարվա ընթացքում կարող է վերջնականապես հրաժեշտ տալ բռնցքամարտիկի իր կարիերային:
«Դուք այնքան շատ բռնցքամարտիկների անուններ տվեցիք, որ նրանց բոլորի հետ մենամարտելն ինձ մոտ չի ստացվի: Ես չեմ պատրաստվում գերազանցել Աշխարհի նախկին չեմպիոն լեգենդար Ջորջ Ֆորմենի սահմանած ռեկորդը, ով մենամարտեր էր անցկացնում 48 տարեկանում: Հնարավոր է, որ վերջնականապես ձեռնոցներս մեխից կախեմ արդեն մեկ-երկու տարուց:
Այժմ ես միայն մեկ նպատակ ունեմ` պայմանագիր ստորագրել Դևիդ Հեյի հետ մենամարտելու նպատակով: Իսկ թե ինչ կստացվի հետո, չեմ ուզում գուշակել: Եթե ուժ և ցանկություն ունենամ ռինգ դուրս գալու, ապա կկռվեմ»,- Կլիչկոյի խոսքերը մեջբերում է Спорт-экспресс в Украине-ն:
