Թուրքական Radikal թերթի փոխանցմամբ՝ Թուրքիայի վարչապետ Էրդողանը երեկ Ֆրանսիայում Հայոց ցեղասպանության հերքումը քրեականացնող օրինագծի ընդունման առնչությամբ քննադատել է Ֆրանսիայի նախագահ Նիկոլա Սարկոզիին.
«Մենք արդեն իսկ հրապարակել ենք այդ կապկցությամբ մեր պատժամիջոցների մի մասը։ Այսօր Ֆրանսիայում բնակվում է մոտ 5 միլիոն մուսուլման, այդ օրինագիծը «խտրական վերաբերմունք» է նրանց նկատմամբ։
Ֆրանսիան 1945 թվականին Ալժիրում «իրականացրած սպանդի» արդյունքում ոչնչացրել է բնակչության 15 տոկոսը։ Ահա «սա» է ցեղասպանությունը։ Եթե Սարկոզին տեղյակ չէ, թե ցեղասպանությունն ինչ է, ապա թող հարցնի իր հորը։
Սարկոզիի հայրը 1940-ական թվականներին ծառայել է Ալժիրում՝ ֆրանսիական լեգեոնի կազմում։ Հուսով եմ, որ նա իր որդուն շատ բան ունի պատմելու այդ մասին»։
Հիշեցնենք, որ թուրքական ընդդիմության՝ խորհրդարանի օրակարգ բերած՝ Ֆրանսիայի կողմից «իրականացված ալժիրցիների ցեղասպանությունվն» առնչվում է 1950 և 1958 թվականներին, մինչդեռ իշխող կուսակցությունը շարունակ նշում է 1945 թվականը։
