Այսօր Թուրքիայի Մարդին քաղաքում կկայանա շախմատի կանանց 2011թ. Աշխարհի առաջնության 5-րդ տուրը:
Հայաստանի հավաքականի հակառակորդը տանտերերի թիմն է: 4 տուրերից հետո Թուրքիայի ընտրանին վաստակել է նույնքան միավոր` առավելության հասնելով ՀԱՀ-ի և Ուկրաինայի թիմերի նկատմամբ, և զբաղեցնում է մրցաշարային աղյուսակի 6-րդ հորիզոնականը: Մեր ընտրանին իր ակտիվում ունի 2 միավոր և լավ հնարավորություն` Թուրքիայի` ոչ այդքան ուժեղ հավաքականի հետ մրցապայքարից հետո վաստակել ևս երկուսը:
5-րդ տուրի մրցավեճերի զույգերն են`
Հայաստան – Թուրքիա,
ՀԱՀ – Ուկրաինա,
Վիետնամ – Հնդկաստան,
Ռուսաստան – Չինաստան,
Հունաստան – Վրաստան:








































